首置客鍾情單位坐向東南兼靚裝 斥548萬購鰂魚涌南豐新邨2房戶
利嘉閣地產康怡區助理營業董事丁培鴻(Sam)稱，栢蕙苑分行高級客戶董事黃俊雄(Edmond)新近促成鰂魚涌南豐新邨12座高層C室的二手成交個案，單位實用面積約391方呎，採2房間隔，向東南，望山景。
丁氏表示，新買家為首置上車客，早前經利嘉閣真盤源平台搵樓，見上述放盤即約代理睇樓。客人心儀向東南的高層單位，光猛開揚兼附靚裝，加上屋苑地理位置優越，區內生活配套齊全，即進行洽購。業主原以550萬元放售，經誠意洽商後，終以548萬元成交，折合實用面積呎價約14,015元。
據悉，原業主在1995年以約229萬元買入單位，持貨至今易手，帳面大幅獲利約319萬元，期內物業升值約1.4倍。
他補充，該屋苑現時有約28個單位放盤，入場售價約由540萬元起。
**********
利嘉閣「家的寵愛」寵物友善計劃正式啟動！想知最新寵物資訊、聯乘優惠
即上「家的寵愛」專頁🐱🐶
促成代理
