熾熱市況未減退 料高價成交頻現 50指標屋苑周末預約睇樓量六連漲

利嘉閣地產研究部主管陳海潮表示，雖然近日中美兩國磨擦有升溫跡象，但資金入市意欲未有受損，周末屋苑預約睇樓量繼續向好。根據利嘉閣地產研究部數據估算，全港50個指標屋苑共錄1,530組客戶於周末預約睇樓，按周微升0.3%，連升六周。由於二手盤源開始見緊張，業主表現較為「心雄」，而買家擔心「遲買更貴」，料高價成交將會更頻出現。

按地區劃分，全港三區指標屋苑的周末預約睇樓量各有升跌，其中以港島區升幅較多，該區8個指標屋苑於周末暫錄275組客戶預約睇樓，按周上升1.9%。利嘉閣地產太古城恆山閣(B組)市務經理朱浩德指出，今個月太古城表現活躍，錄得超過30宗買賣，當中不乏高價成交。朱浩德又指，雖然中美關係再度轉趨緊張，惟近日市況大致平穩，資金入市信心暫未受到影響，而業主叫價仍然企硬，預計區內樓價維持大漲小回格局，至於太古城周末預約睇量與上周相若。

至於，九龍區21個指標屋苑於周末暫錄545組客戶預約睇樓，按周微升0.9%。利嘉閣地產美孚新村一行聯席市務董事郭永峰表示，雖然經過一輪消化後，區內平盤所餘無幾，惟買家態度積極，不惜高追入市，最近市場氣氛平穩向好，周末美孚新村預約睇樓量靠穩。郭永峰指出，屋苑盤源入不敷支，但仍然有新增放盤補充，而且叫價未致非常進取，相信在未有重大利淡消息影響下，後市將繼續保持暢旺。

新界區方面， 21個指標屋苑本周末暫錄710組客戶預約睇樓，按周減少0.7%。利嘉閣地產元朗-千色匯分行高級經理朱子華指出，疫情回穩加速購買力釋放，元朗區今個月暫錄約230宗買賣，有望挑戰260宗，勢創近十年新高。朱子華表示，區內業主普遍願意議價，個別屋苑入場費與年初時相若，故二手交投相對暢旺，預期樓市旺勢可以延續至復活節假期。不過，由於盤源日漸萎縮，本周末YOHO TOWN睇樓量減少逾一成。

發稿：利嘉閣地產資料研究部