一手新盤搶攻 二手業主硬淨 50指標屋苑周末預約睇樓量平穩微降0.4%
利嘉閣地產研究部主管陳海潮表示，減息效應持續，買家搵盤心態積極，九龍區多盤接連搶攻，一手市場百花齊放，帶動交投氣氛，惟二手業主態度轉趨硬淨，平價盤源已被消化尚待補充，周末屋苑預約睇樓量平穩微降並於高位窄幅徘徊。根據利嘉閣地產研究部數據估算，全港50個指標屋苑共錄1,325組客戶於周末預約睇樓，較上周末的1,330組輕微減少0.4%。
按地區劃分，港島、九龍及新界三區指標屋苑的周末預約睇樓量兩升一跌，其中九龍區21個指標屋苑於周末暫錄455組客戶預約睇樓，按周減少5.2%。利嘉閣地產新西九龍豪宅(西九龍)分區經理郭永峰表示，本周末美孚新邨預約睇樓量較上周末減少，主要是區內業主見市況暢旺，遂加價放盤。他補充，買家需時適應樓市變化，加上九龍區多個新盤陸續登場，相信分薄部分二手客源。而有鑒於最近業主態度亦轉趨強硬、減少議價幅度，本月焦點料集中在一手市場。
新界區方面，21個指標屋苑於本周末暫錄640組客戶預約睇樓，按周增加0.8%。利嘉閣地產荃灣-愉景新城分行首席聯席董事許喜龍表示，受減息及一手市場暢旺帶動，樓市氣氛良好，買家睇樓搵盤意欲高企，惟經過上月一輪成交消化後，區內屋苑盤源有待補充，可供睇樓的放盤不多，業主心態惜售，愉景新城周末預售睇樓量大致按周持平。
至於，港島區8個指標屋苑本周末暫錄230組客戶預約睇樓，按周增加7.0%。利嘉閣地產嘉亨灣及杏花區助理營業董事劉信文表示，一手新盤百花齊放，帶動買家的睇樓意欲；本周末區內屋苑預約睇樓量按周增約一成。他表示，在本地銀行跟隨美國減息後，二手業主看俏後市，開價更為進取、議價空間再度「縮水」，區內買家則尚需時間接受升幅。
發稿：利嘉閣地產資料研究部
