【北部都會區】生態保育
香港得天獨厚，地方細細，但係就擁有優美怡人嘅天然景色！
「北部都會區」除咗創造就業、拓地建屋，當然會同時保護埋自然生態同環境，創造真正宜業宜居嘅社區，住宅升值潛力都自然提高！
「北部都會區」坐擁廣闊綠化面積，黎緊嘅亮點之一就係「城鄉綠道」，會貫通山巒、 濕地、魚塘同傳統鄉鎮村落，媲美麥理浩徑，水光山色嘅醉人景致，喺度居住同返工肯定好舒適。
香港好風景不少，等你慢慢發掘。香港東北同深圳會攜手合作，發展生態遊，考慮由深圳為東平洲提供水、電設施，又研究設置跨境水路旅遊口岸，以後放假就有大把好去處喇！
濕地、生態保育同我哋息息相關，「北部都會區」創先河計劃連接一連串濕地、生態公園，橫跨都會區由⻄至東，形成完整生態系統。
邊境生態系統起點、天水圍濕地公園，會擴大多約200公頃，現有嘅自然保育、教育同康樂功能會再升級！
隔離嘅南生圍，你一定唔會陌生，呢個元朗後花園除左係影相聖地，對候鳥嚟講，亦係重要嘅補給同休息站，遲啲會正式設立一個約400公頃嘅南生圍濕地保育公園。
都會區重點發展「新田科技城」，完美平衡發展同保育。政府會收返米埔至新田同三寶樹有生態價值嘅地方，加建「三寶樹濕地保育公園」大約520公頃，以系統化管理提高生物多樣性。
另外，會建設多兩個濕地生態保育公園，一個喺蠔殼圍，另一個就喺羅湖沙嶺同南坑濕地。
最令人期待嘅，可能係尖鼻咀至白泥嘅海岸保護公園，約12公里嘅海濱長廊，俾大家一邊欣賞日落，一邊散步、踩單車，唔少得嘅仲有流浮山嘅海鮮美食！
「北部都會區」發展成熟之後，連埋現有嘅住宅，將容納大約250萬人居住。都會區設想周到，整個濕地及海岸生態保育系統，總面積有大約2000公頃，大過100個維園，真正做到宜居宜業，岩晒大家都追求嘅work life balance！
想搶先一步，知道更多北部都會區嘅資訊，一定要留意利嘉閣網站！下載我哋利嘉閣真盤源APP，就可以早著先機喇！